Lizardi  institutuko  ikasleak  Augsburgen

Lizardi institutuko ikasleak Augsburgen

TippTopp aleman eskolak Lizardi institutuak antolatutako proiektu honetan parte hartu du eta oso pozik gaude izandako esperientziarekin.

Alde batetik, institutuan bertan orduz kanpoko alemanezko klaseak eskaintzen ditugu eta, bestetik, bidaia hau prestatzeko gure irakasleek emandako “Aleman-Express” ikastaro trinko bat jaso dituzte ikasleek.

Irrikan gaude Alemanian bizi izan dituzten abenturak entzuteko!!

Bitartean, laburpen eta argazki hauek bidali dizkigute:

part_1494591000693

Datorren larunbatean bueltatuko dira LIZARDIko ikasleak Augsburgetik astebeteko egitasmoa burutu ondoren.

Augsburgek alemana indartzeko aukera eman die gure ikasleei. Duela hiru urte hasi ginen eskaintzen alemana hirugarren azterriko hizkuntza bezala, eta dagoeneko, badugu bazkide interesgarria Alemanian. “Peutinger Gymnasium – LIZARDI Institutua” elkartrukea errealitatea da!

Beraiek otsailean etorri ziren eta astebeteko egitaraua bete zuten gure artean, ikastetxean eta gure familietan integraturik. Irakasleak ere bertako familietan egon ziren, eta orain, maiatzaren 6tik 13ra, LIZARDIko ikasleak dira Augsburgera joan direnak.

Augsburgeko historia, kultura eta hizkuntzak bizi dituzte, baita lagun giro atsegina eta aberasgarria. Bisiten aldetik Munchen, Augsburg, Harburg, Nördlingen gaztelua, Augsburger Kahnfahrt (arrauna), ibilbideak naturan, abentura ekintzak, meteoro batek egindako kraterraren bisita izan dira ekimen nagusiak. 

Hasi berria den harremana urte askotarako izango delakoan gaude. Halako proiektuek aurrera egiten dute ikasleek eta familiek duen garrantzia ulertu dutelako. Etorkizunerako prestatu nahi ditugu gure ikasleak, etorkizuna berea baita.

part_1494591049159 part_1494590974285

tipptoppaleman
tipptoppaleman