Tipp Topp Aleman Eskola “Ostalaritzarako oinarrizko alemaniera” ikastaroa aurkeztu du asteazken honetan Urola Kostako ostalarien aurrean. Ikastaro horren helburua da profesionalek oinarrizko ezagutzak eskuratzea, 24 ordutan, alemaniar turistei beren hizkuntzan arreta eman ahal izateko eta, horrela, beren establezimenduen turismo-kalitatea handitzeko.
Aurkezpena Etxezabalan egin da. Bertan, Ana Lópezek eta Johanes Floresek labur azaldu dute nolakoa den Euskadira etortzen den turista alemaniarra, Eusko Jaurlaritzako Turismo Sailaren datuetan oinarrituta. Zumaian, adibidez, 2016an % 44 hazi zen turismoa, eta Zarautzen atzerriko bisitarien % 10 dira. Familiekin udan itzultzen diren negozio-bidaiariak eta Donejakue Bidea egiten duten erromesak dira herrialde teutonetik bisitatzen gaituzten profil nagusiak. Natura eta gastronomia bilatzen ditu, kalitatea eskatzen du eta ordaintzeko prest dago: batez besteko gastua 100 €-koa da pertsonako eta eguneko.
Ostalariak harrituta agertu ziren, aldez aurretik alemanez ezer jakin gabe, ikastaroa egiten duen pertsona posible izango delako bezero bat bere hizkuntzan hartzeko, telefono-dei bati behar bezala erantzuteko edo leku jakin batera iristeko informazioa emateko. “Duela bi urtetik hona, sektore turistikorako alemanezko liburu espezifikoak daude, eta ikasleek kafetegi batean, jatetxe batean, hotel bateko logeletan edo kanpin batean erabiltzen diren ohiko esaldiak ikasteko aukera dute; horrela, 24 orduetan, sektorean erabiltzen diren hiztegia eta adierazpen arruntak ikasten dituzte”, azaldu du Ana López Tipp Topp Eskolako zuzendariak.
Johannes Floresek emango du ikastaroa. Zarautzen bizi da, turismoan lizentziaduna, eta eskarmentu handia du turistei arreta ematen. Ikastaroan zehar, establezimenduaren gutunak edo informazio-dokumentazioa itzuliko dira, eta ikasleek praktikak egingo dituzte harekin.
Nuria Briz, Zumaiako Kanpineko Orrua jatetxeko jabea, izan da jardunaldian. Iaz egin zuen ikastaroa, eta alemaniar turistei beren hizkuntzan arreta emateak berarentzat zer alde izan duen kontatu du. Bideo bat uzten dizuegu kontatzen duena.
¡Vielen Dank Nuria!
